Ariu sulmon punëtorin e hidrocentralit

12:34 | 07/07/2018

Një ari ka sulmuar dhe ka dëmtuar rëndë një 36-vjeçar. Ai është Shehap Dafku,  punëtor i hidrocentralit nga fshati Brekie. Ngjarja ndodhi në orën 6 të mëngjesit të së shtunës, kur Dafku po shkonte në punë.

Nga fshati Brekie i Kukësit, 36-vjeçari që qëndron në shtrat u sulmua nga ariu mëngjesin e kësaj të shtune. Shehap Dafku, punonjës i hidrocentralit, ishte vetëm 100 metra larg rrugës Kukës-Shishtavec, kur kafsha e egër iu hodh sipër.

Jemin Dafku: “Në të gjithë trupin. Nuk ka pjesë të trupit pa plagë”.

Por duket se ky sulm nuk është nje rast. Banorët e zonës thonë se arinjtë janë kthyer në rrezik për ta.

Isen Dafku: “Përderisa ka sulmuar këtë në moshën më të mirë, fëmijët i mbyt ai”.

36-vjeçari aktualisht është shtruar në spitalin e Kukësit, jashtë rrezikut për jetën. Vitin e kaluar  dy persona në zonat e thella të Kukësit kanë rënë preh e sulmeve nga kafshët e egra, konkretisht arinjve./abcnews.al





Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono