Arben Çuko i pandehur, më 1 Korrik del para gjykatës

15:37 | 26/06/201915:370

Ish-deputeti i Partisë Socialiste Arben Çuko së bashku me 4 persona të tjerë do të dalin para Gjykatës së Krimeve të Rënda si të pandehur më 1 Korrik.

Sëbashku me Çukon në gjyq do jenë edhe Qerim Musha, Olsi Karagjozi, Artur Balla dhe Denis Llaftiu. Seancën paraprake për këta të pandehur do ta drejtojë gjyqtarja Iliriana Olldashi, e cila ka në dorë fatin e tyre, pasi do të vendosë nëse dosja do të shkojë për gjykim, apo do të pushohet.

Ish-drejtori i Përgjithshëm i Burgjeve, Arben Çuko, ra në rrjetën e Prokurorisë për Krime të Rënda në kuadër të operacionit “VOL-VO 4”.

Sipas organit të akuzës emri i Çukos doli në përgjimet e grupit Avdylaj, duke folur me kreun e këtij grupi kriminal.

Ish-kreu i burgjeve akuzohet se në kohën kur ka drejtuar këtë institucion ka miratuar transferimin e të dënuarit Olsi Karagjozi kundrejt ryshfetit 3.000 euro. Aktualisht Arben Çuko ndodhet nën masën e sigurrisë “arrest shtëpie”./ABC News Albania 24/7

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono