Andorra synon rezultat pozitiv ndaj Shqipërisë

14:45 | 25/03/2019

Andorra nuk dëshiron të dalë e humbur nga përballja me Shqipërinë. Skuadra vendase ka pasur rezultate pozitive në fushën e saj, kohët e fundit.

Mund të jetë në vend të 132-të në renditjen e FIFA-s, por nuk mund të nënvleftësohet. Andorra, rivali i sotëm i kombëtares kuqezi, ka një ecuri pozitive muajt e fundit, sidomos në fushën e saj.

Edhe pse në sfidën e fundit u mund 0-2 nga Islanda në shtëpi, sërish pati 4 barazime radhazi në “Estadi Nasional”, ndaj ekipeve si Emiratet e Bashkuara Arabe, Kazakistani, Gjeorgjia apo Letonia.

Pra, ekipi ynë përfaqësues nuk pritet ta ketë të lehtë për të realizuar objektivin, marrjen e tri pikëve. Skuadra e vendit të vogël katalanas u përgatit me besim dhe me kujdes, duke pasur shpresë për të shmangur të paktën humbjen. Edhe mediat vendase kanë po këtë linjë.

“Diari d’Andorra”: Seleksioni përballë një rivali të tronditur! Andorra luan në “Estadi Nasional” ndaj një Shqipërie në krizë pas shkarkimit të trajnerit!

“El Periodik”: Andorra ndeshet me një Shqipëri të turbulluar për ndryshimin e trajnerit! Gjithsesi, ka shqetësim nga rrezikshmëria e skuadrës mike, pavarësisht shkarkimit të Panuçit!

Trajneri Koldo Alvarez bën thirrje për realizëm.

“Shqipëria është një ekip që të zë në befasi me shpejtësi në momentin kur sulmon, – tha ai në konferncën për shtyp, – ka lojtarë krahu që dalin përpara dhe që kanë shumë cilësi. Kjo na i ndërlikon punët, por edhe ne jemi ekip i mirë dhe që kemi besim në vetvete. Objektivi është të mbahet dinamika e ndeshjeve të fundit në fushën tonë”.

Ndeshja pritet të luhet në prani të një numri relativisht të vogël tifozësh, në stadiumin me kapacitet rreth 3 300 vende./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono