Analistët maqedonas: Vizitat e liderëve nderkombetarë kanë bindur qytetarët të votojnë

10:40 | 24/09/2018

Sipas analistëve maqedonas, vizitat e ditëve të fundit të liderëve të ndryshëm ndërkombëtarë në vend, kanë bindur një pjesë të mirë të qytetarëve që të votojnë në referendumin e 30 shtatorit për çështjen e emrit.

Politologët dhe analistë në Maqedoni janë ndarë në dy palë për sa i përket ndikimit që kanë vizitat e shpeshta të faktorit ndërkombëtar në mbështetje të referendumit. Mesazhet e dhëna nga perëndimi kanë bindur qytetarët që të mbështesin në mënyrë masive referendumin e 30 shtatorit, thonë një pjesë e analistëve. Por ka dhe nga ata që mendojnë se vizitat intensive të kenë kundër-efekt.

Por njëkohësisht në vend po zhvillohet dhe një fushatë për bojkotimin e referendumit, për të cilën analistët mendojnë se është e koordinuar, ndoshta dhe nga jashtë. Kjo pasi janë shtuar faqet e ndryshme në internet që bëjnë propagandë për bojkot. Politologë maqedonas shprehen të bindur se nëse referendum do të ketë sukses atëherë ndikimi rus në Ballkan do të pësojë një goditje të rëndë. Edhe përfaqësuesit e lartë amerikanë dhe evropianë që vizituan vendin, u shprehën të shqetësuar për ndikimin rus në referendum.





Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono