Amerika “pushtohet” ditën e pavarësisë

22:45 | 03/07/201922:450

Festimet për ditën e Pavarësisë në Shtetet e Bashkuara kanë përçarë opinionin publik amerikan. Shkak është bërë kostoja e celebrimeve, për të cilat presidenti Donald Trump ka kërkuar edhe një paradë ushtarake.

Ushtria amerikane u ka bërë thirrje banorëve të Uashingtonit që të mos tremben nëse në rrugët e qytetit shohin tanke lufte. Gjithçka është bërë me kërkesë të presidentit Donald Trump, për festimet e ditës së Pavarësisë së Shteteve të Bashkuara. Përmes një postimi në profilin e tij në Tëitter, Trump u shpreh se festimet e 4 Korrikut këtë herë do të jenë më të bukurat e të gjitha kohërave. Përveç tankeve, në event do të jenë të pranishëm edhe avionë luftarakë që do të fluturojnë në qiejtë e Uashingtonit. Krahas kësaj, do të ketë edhe një spektakël fishekzjarresh, si dhe një fjalim të presidentit Trump pranë memorialit Linkoln. Nga mediat amerikane mësohet se shefi i Shtëpisë së Bardhë ka ftuar edhe krerët e Departamentit të Mbrojtjes që të jenë pranë tij gjatë festimeve. Por parashikimet meteorologjike kërcënojnë t’i prishin festën zotit Trump.

Sipas meteorologëve, ditën e enjte jo vetëm që do të ketë reshje, por edhe stuhira. Por ajo çfarë ka përçarë opinionin publik amerikan lidhur me festën është kostoja e saj prej 2 milionë dollarë e gjysmë. Kritikët e presidentit e shohin atë si një shfaqje politike të papërshtatshme dhe si një keqpërdorim që do t’u bëhet fondeve publike. Nga ana e saj, administrata Trump nuk ka bërë të ditur se sa para të taksapaguesve do të shpenzohen më 4 Korrik, por në postimin e tij në rrjetet sociale, kreu i shtetit ka nënvizuar se shpenzimet do të jenë shumë më të ulëta krahasuar me vlerën. /ABC News Albania 24/7


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Të lidhura

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono