Ambasadori amerikan në Beograd: Kosova shtet i pavarur!

17:35 | 16/10/2018

Presidenti i Serbisë Aleksandër Vuçiç ka reaguar ashpër ndaj deklaratës së ambasadorit amerikan në Beograd. Skot u shpreh se Kosova është një shtet i pavarur. Vuçiç theksoi se pavarësisht mendimit të Shteteve të Bashkuara të Amerikës, Kosova për Serbinë do të jetë gjithnjë e ashtuquajtur.

Deklarata e ambasadorit amerikan në Beograd, Kyle Scott, se Republika e Kosovës është shtet i pavarur, ka ngjallur reagime të shumta në Serbi, dhe më i ashpri ka qenë ai i presidenti Serb, Aleksandër Vuçiç. Ky i fundit i ka kërkuar ambasadorit amerikan që të tregojë më shumë respekt për vendin që po e mirëpret. Por kreu i shtetit serb është nervozuar dhe për mos reagimin e një përfaqësuesi të qeverisë serbe, në takimin ku ambasadori amerikan ka bërë këtë deklaratë.

Agjencia serbe e lajmeve B92, shkruan se Vuçiç ka bërë të qartë se pavarësisht mendimit apo qëndrimit të Shteteve të Bashkuara të Amerikës, Kosova do të mbetet gjithnjë i ashtuquajtur shtet i pavarur, për Serbinë. Beogradi vazhdon të jetë kategorik kundër njohjes së Republikës së Kosovës si shtet i pavarur. Krerët e institucioneve në Beograd kanë deklaruar se nuk bëjnë kompromise në këmbim të njohjes së Kosovës, përfshirë këtu integrimin në Bashkimin Europian dhe anëtarësimin në institucione të tjera ndërkombëtare./abcnews.al





Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono