Alpinistë shqiptarë e të huaj ngjiten në majat e alpeve në Valbonë

15:13 | 12/03/2018

Mbi 70 alpinistë shqiptarë dhe të huaj realizuan një ngjitje të vështirë në malin e Valbonës, në Alpet e Veriut. Gjatë itinerarit kaluan vështirësi të mëdha prej pranisë së borës dhe akullit.

Nuk mund të jetë diçka e lehtë në dimër.

Alpet shqiptare janë të vështira për t’u ngjitur edhe në kohë të mirë, jo më në një stinë kaq të ashpër sa këtë vit, por një grup I madh alpinistësh ia doli.

Ishin plot 72 ushtrues të këtij sporti, sa të bukur aq edhe të rrezikshëm, që e tentuan dhe e realizuan aventurën e tyre më të fundit.

Objektivi i alpinistëve, ndër të cilët kishte nga Shqipëria, Kosova, diaspora si dhe të huaj, ishte Maja e Borshit, siç e tregoi përpara nisjes presidenti i Federatës Shqiptare të këtij sporti, Jani Zizo.

“Na qoftë rruga e mbarë për ngjitjen e mjaës së Borshit 2416 metra. Itinerari do shkojmë në qafën e Zhaborës, do zbresim poshtë 100 metra dhe pastaj do ngjitemi në majë”

Ngjitja filloi në mbrëmje dhe vazhdoi për 6 orë, ndërsa pasi u mbërrit maja e malit në Valbonë, u deshën edhe rreth 6 orë të tjera për të zbritur në bazë.

Itinerari ishte shumë i vështirë siç e tregon ky alpinist nga Kruja.

“Ngjitja qe shumë e vëhstirë se ishte me akull gjithë rruga, sipër 2 metra borë”

Edhe një vajzë e ardhur nga jashtë Shqipërisë vlerësoi vështirësinë e ngjitjes, por theksoi edhe bukurinë e madhe të natyrës së Alpeve.

Në 12 orë ngjitje dhe zbritje, pjesëmarrësit u përballën edhe me orteqe dëbore, ndërsa disa nga alpinistët provuan rrëshqitjet e pavullnetshme, madje duke pasur edhe raste rreziku për jetën.

Leonard Laçi ishte njeriu që udhëhoqi grupin, ndërsa më i riu i grupit ishte Mario Dhimitri vetëm 15 vjeç nga Përmeti./abcnews.al

 





Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono