Akuzuan prokurorin Ndoji, KLP Ramës e Braçes: Çojini në prokurori, mos paragjykoni procesin

16:34 | 07/10/201916:340

Këshilli i Lartë i Prokurorisë i kujton kryeministrit dhe zv/kryeministrit të denoncojnë në organin e akuzës çdo prokuror të dyshuar për kryerjen e veprave penale. Pas akuzave të bëra nga Rama dhe Braçe për prokurorin Arjan Ndoji, KLP shprehet se deklaratat e tyre mund të paragjykojnë procesin.

Këshilli i Lartë i Prokurorisë ka reaguar pas akuzave të bëra publikisht nga kryeministri Edi Rama dhe zëvëndës kryeministri Erion Braçe, ndaj prokurorit të Durrësit Arjan Ndoji. Në dekalaratën publike qeveria e prokurorëve ka sqaruar se keto akuza mund të paragjykojnë ecurinë dhe përfundimin e një procesi gjyqësor në vijim dhe të procedurave të tjera ligjore. Zëvëndës kryeministri Brace mori pjese te premten në seancën gjyqësore, ku për kreun e Kadastrës në Durrës Liridon Pula, u caktua masa e sigurisë arrest në burg. Në një deklaratë për gazetarët, pas seancës, Braçe e akuzoi prokurorin Ndoji për presione kriminale ndaj Liridon Pulës.

Kryeministri Edi Rama akuzat ndaj prokurorit Ndoji i ka nisur që prej së Enjtes nga foltorja e Kuvendit, duke i vijuar edhe këtë të Hënë.

Qeveria e prokurorëve u ka kërkuar drejtuesve të qeverisë që të denoncojnë pranë Prokurorisë së Krimeve të Rënda të gjitha rastet e dyshuara të kryerjes së veprave penale nga çdo prokuror i Republikës, ndërsa dyshimet për kryerjen e shkeljeve disiplinore duhet të denoncohen pranë Prokurorit të Përgjithshëm (deri ne krijimin e Inspektoriatit te Lartë i Drejtësisë) dhe institucioneve të vettingut. Në përmbyllje të reagimit Këshilli i Lartë i Prokurorisë u ka bërë thirrje prokurorëve që të  vijojnë punën me përgjegjshmëri të lartë në zbatim të kompetencave të tyre kushtetuese për ushtrimin e ndjekjes penale dhe përfaqësimin e akuzës në shërbim të shoqërisë. /ABC News Albania 24/7

 

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono