AKU nis kontrollin e marketeve në zonat rurale

12:53 | 11/08/201812:530

Autoriteti Kombëtar i Ushqimit nisur një tjetër aksion të rëndësishëm. Vëmendja është përqendruar në marketet e zonave rurale, duke bërë të mundur ndalimin e tregtimit të ushqimeve të skaduara dhe duke garantuar tek konsumatori sigurinë ushqimore.

Kontrolleve për sigurinë ushqimore nuk i kanë shpëtuar as dyqanet ushqimorë. Konkretisht në Dibër Autoriteti Kombëtar i Ushqimit nisur kontrollin e të gjitha supermarketeve dhe dyqaneve që tregtojnë produkte ushqimore në zonat rurale të këtij qarku. Ky aksion është ndërmarrë për evitimin e konsumimit të ushqimeve të skaduara, apo atyre që nuk tregtohen në kushtet e duhura higjieno-sanitare.

Trupa inspektuese e AKU-së ka evidentuar në Klos 6 subjekte me aktivitet “minimarket” të cilët janë kapur në flagrancë duke tregtuar produkte të skaduara. Ndaj këtyre subjekteve janë marrë masa administrative gjobë si dhe bllokim të produkteve kryesisht mish, sallam, miell dhe patatina.

Autoriteti Kombëtar i Ushqimit gjatë kësaj stine ka kryer një vazhdimësi kontrollesh duke mbajtur nën trysni të gjitha subjekte tregtare, duke bërë që deri në këtë fazë të ketë eliminimin e  problemeve që mund të konstatohen nga produktet ushqimore. Inspektime janë kryer edhe në pikat doganore, rezultatet e fundit të të cilave kanë cuar në bllokimin e një ngarkesë prej 25.3 ton miell gruri me origjinë greke, për shkak se kishte parregullsi në vërtetësinë e dokumentacionit që shoqëronte ngarkesën, konkretisht, raportin e analizës për përqindjen e proteinës. /abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono