Aktivizimi i Shkallës me Bylisin dhe penalltia e pretenduar, reagon Teuta

17:46 | 27/01/202017:460

Teuta nuk e ka lënë pas çështjen “Shkalla”. Klubi durrsak ka reaguar në lidhje me aktivizimin e mbrojtësit në ndeshjen ndaj tyre. Shkalla u largua nga Teuta dhe firmosi me Bylisin, por ka pasur një kusht, që shtatlarti i prapavijës të mos luajë në ndeshjen ndaj “Djemve të Detit”.

Por tekniku Dovedan e aktivizoi mbrojtësin dhe kjo gjë nuk është kapërdirë nga ekipi i Teutës, pavarësisht se fitoi me rezultatin 1-0. Gjithashtu, klubi durrsak reagoi edhe për pretendimin për penallti të Bylisit, duke thënë se nuk 11-metërshi nuk ishte. Reagimi i Teutës u publikua nga Panorama Sport.

“Një ditë para ndeshjes KF Teuta i ‘dhuroi’ qendërmbrojtësin Silvester Shkalla Bylisit, me kushtin që të mos luante të nesërmen kundër Teutës, pasi i kishte mundësitë për ta vonuar edhe dy ditë.

KF Bylis nuk u tregua korrekt, por në rast humbje apo barazimi, Teuta do kërkonte pikët në tavolinë. Sa u përket pretendimeve për penallti, në rastin që pretendon Bylis, nga pamjet, duket që topi fillimisht ka prekur këmbën e Todorovskit pastaj ka shkuar në dorë. Në këto raste s’ka penallti”, citohet në reagimin e klubit durrsak./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono