Akti i 13-të i Superiores: Ndryshon programi, Partizani pa stadium

13:35 | 19/11/201913:350

FSHF vendos të ndryshojë programin e Kategorisë Superiore për javën e 13-të. Ishte programuar që kampionati të rikthehej të premten, me sfidën Partizani-Laçi, por nuk do të ndodhë kështu. Kryesuesit e Superiores do të përballen të dielën me kurbinasit, ndërkohë që ende nuk dihet se ku do zhvillohet ky takim.

Në stadiumin “Selman Stërmasi” fusha nuk ka qenë në gjendje të mirë dhe është bërë një mbjellje, çka do të thotë se Partizani duhet të gjejë këtë javë një tjetër impiant për të luajtur. “Air Albania Stadium” është një mundësi, por ende nuk është konfirmuar. Edhe derbi, javën e ardhshme, me shumë mundësi do të luhet aty.

Për të mbetur te java e 13-të, dy takimet e para janë Kukësi-Bylis dhe Flamurtari-Luftëtari. Verilindorët duan fitoren e kthesës, kurse në Vlorë luajnë dy ekipet e vendit të fundit dhe tre pikët i kanë jetike për të shpresuar në qëndrimin në Superiore.

Tri orë më pas, veç Partizani-Laçi, luhet edhe Skënderbeu-Tirana. Një sfidë mjaft interesante, që pritet me interes të madh. Java mbyllet të dielën, me sfidën Vllaznia-Teuta që luhet në stadiumin “Loro Boriçi” prej orës 16:30.

Kategoria Superiore – Java 13
E shtunë, më 23 nëntor 2019
Ora 13:30 | Kukësi-Bylis
Ora 13:30 | Flamurtari-Luftëtari
Ora 16:30 | Partizani-Laçi
Ora 16:30 | Skënderbeu-Tirana

E diel, më 24 nëntor 2019
Ora 16:30 | Vllaznia-Teuta

/acbnews.al


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Të lidhura

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono