Aksidentet rrugore, humbin jetën tre persona

20:15 | 21/03/2019

Tre persona kanë humbur jetën dhe pesë të tjerë kanë mbetur të plagosur në tre aksidente të ndodhura gjatë ditës së sotme në Velipoje, Tepelenë dhe Burrel.

Një këmbësor u aksidentua për vdekje nga një mjet mbrëmjen e së entjes në Velipoje. Viktima është 40-vjeçari Bujar Bujaj. Policia ka ndaluar drejtuesin e makinës tip “Benz”. Dyshohet se ai ka qenë duke ecur me shpejtësi tej normave të lejuara në momentin kur këmbësori po kalonte rrugën.

Më herët një 18-vjeçare u aksidentua në rrugën Tepelenë-Krahës dhe ndërroi jetë disa orë më vonë në spitalin e Traumës në Tiranë. Shqiponja Xhafa, së bashku me të fejuarin e saj Sokol Brahimi, 26 vjeç, po udhëtonin me mjetin e tyre tip “Volkswagen”, kur u përplasën me një minibus i linjës Elbasan–Sarandë.

Por fatkeqësisht e reja nuk i mbijetoi dot plagëve të marra në përplasjen e dy automjeteve. Kurse pesë personat e tjerë të lënduar në këtë aksident ndodhen në spitalin e Gjirokastrës.

Edhe në Burrel, tek vendi i quajtur ish-Pularia, një kamionçinë doli nga rruga dhe përfundoi poshtë saj. Drejtuesi i mjetit, një 30-vjeçar, humbi jetën në vend./abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono