Aksidentet në vend, 1 i vdekur dhe 10 të plagosur

22:15 | 16/11/2018

Një i vdekur dhe 10 të plagosur është bilanci i aksidenteve që kanë ndodhur gjatë orëve të fundit në qytete të ndryshme të vendit.

Një autobus me nxënës shkolle doli nga rruga në Qafë-Thanë. Fati i ndihmoi të gjithë pasi mjeti rrezikoi të përfundonte në një greminë. Aksidenti ndodhi pasditen e së premtes dhe gjimnazistët po udhëtonin nga Korça në drejtim të Fierit. Për pasoje dy vajza dhe pesë djem mbetën të lënduar lehtë.

Pasi morën ndihmën mjekësore në spitalin e Prrenjasit u larguan për në shtëpite e tyre. Shkak i aksidentit dyshohet moti me lagështirë dhe një pakujdesi e drejtuesit të mjetit. Më herët një këmbësor humbi jetën në një aksident rrugor në lagjen “Vullnetari” të qytetit të Elbasanit. Viktima është 55-vjeçari, Shaban Kasemi.

Në njoftimin e policisë lokale thuhet se një mjet tip “Mitsubishi” që drejtohej nga një 41-vjeçar goditi për vdekje kalimtarin. Në Berat, një automjet doli nga rruga në vendin e quajtur “Ura e Kuçit” dhe për pasojë dy persona mbetën të plagosur. Një tjetër aksident ndodhi mbrëmjen e të premtes në aksin rrugor Fushë Krujë-Vorë. Një autoveturë u përplas me një motor duke lënë të plagosur rëndë drejtuesin e këtij të fundit./abcnews.al




Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono