Ahmetaj në Kukës: Po negociohet paketa lehtësuese për kuksianët


13:58 | 11/04/2018

Qeveria zhvillon takimin e parë në Kukës me banorët pas protestës që zhvilluan në rrugën e Kombit. Ministri i Financave dhe Ekonomisë, Arben Ahmetaj, i siguroi se qeveria po negocion për një paketë të lehtësuar për banorët e Kukësit për tarifën e rrugës.

Arben Ahmetaj: “Folëm për tarifën e rrugës. Në emër të kryeministrit i kam premtuar që do të jetë një konsiderim shumë i mirë dhe shumë racional. Pra një paketë shumë racionale dhe shumë e mirë për qytetarët e qytetit të Kukësit, për qytetarët e gjithë zonës, Tropojë, Has, Kukës”.

Ministri Ahmetaj zhvilloi një bashkëbisedim edhe me bizneset e vegjël. Ai nënvizoi se do të vazhdojë informimi intensiv për përfshirjen në skemën e deklarimit, duke komunikuar me çdo biznes në të gjithë Shqipërinë.

Arben Ahmetaj: “Pra i sqarova qytetarët dhe sipërmarrjen se është një procedurë e thjeshtë, që nuk ka ngarkesë të re fiskale. Që nuk ka gjoba për deklarim të gabuar deri në fund të vitit 2018. I kërkova administratës tatimore që të informojë të 64 bizneset e vogla që futen në skemën e deklarimit”.

Ky detyrim për deklarim nuk do të sjellë rritje çmimesh për konsumatorët, deklaroi ministri i Financave nga Kukësi./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono