Agresioni në Ukrainë, SHBA sanksionojnë sërish Rusinë

22:48 | 15/03/2019

Shtetet e Bashkuara kanë sanksionuar sërish Rusinë në lidhje me agresionin e saj ndaj Ukrainës. Sipas Departamentit të Thesarit, sanksionet janë vendosur në bashkëpunim me BE-në dhe Kanadanë, për t’i dhënë një mesazh të qartë Moskës.

Administrata amerikane ka sanksionuar të premten 6 individë rusë dhe 8 organizata në lidhje me agresionin e vazhdueshëm të Moskës në Ukrainë. Lajmin e ka bërë të ditur Departamenti i Thesarit, që saktëson se personat e sanksionuar kanë patur një rol kyç në sulmet e Rusisë ndaj anijeve ukrainase vitin e kaluar në detin e Zi, në aneksimin e Krimesë në vitin 2014 dhe në mbështetjen e elementëve separatistë në zgjedhjet në lindje të Ukrainës. “Shtetet e Bashkuara dhe partnerët europianë nuk do të lejojnë që agresioni i vazhdueshëm rus në Ukrainë të kalojë pa u penalizuar”, ka deklaruar sekretari Stiven Mnushin. Sipas tij, ndërveprimi i koordinuar mes Shteteve të Bashkuara, BE-së dhe Kanadasë përforcon zotimin për të ndëshkuar përpjekjet e Kremlinit për të shpërfillur normat ndërkombëtare dhe për të minuar sovranitetin dhe integritetin territorial të Ukrainës. Mes personave të sanksionuar janë 4 zyrtarë rusë të përfshirë në bastisjen dhe sekuestrimin e dy anijeve ukrainase në brigjet e Krimesë. Ndërsa 6 nga 8 kompanitë e vëna në shënjestër akuzohen për përvetësim ilegal të aseteve të shtetit ukrainas dhe për mbështetje të ushtrisë ruse gjatë aneksimit të Krimesë. /abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono