Agjenti shqiptar që po bën të pasur edhe Frankfurtin

16:35 | 08/06/201916:350

Klubi gjerman i Frankfurtit shpreson të fitojë të ardhura të mëdha nga menaxheri i futbollit me origjinë shqiptare, Fali Ramadani. Fillimisht mori 65 milionë euro, ndërsa fitimet pritet të shtohen.

Prej tij nuk pret të ardhmen vetëm Maurizio Sarri.

Trajneri i Chelsea-t shpreson të çlirohet nga kontrata me blutë e Londrës falë Fali Ramadanit, menaxherit me origjinë shqiptare nga Tetova, veçse ai nuk është emri i vetëm i njohur. Ramadani, një ndër agjentët më të mirë të futbollit në të gjithë botën, është një burim i madh të ardhurash nga klubi gjerman i Ajntrahtit të Frankfurtit.

Fillimisht, ai ndërmjetësoi transferimin e Luka Joviçit tek Reali i Madridit, që besohet se do të kushtojë deri në 65 milionë euro dhe pjesën më të madhe të kësaj shume do ta marrë pikërisht Frankfurti.

Ramadani është agjenti edhe i dy lojtarëve të tjerë të Ajntrahtit, edhe ata nga ish-Jugosllavia. Ata janë serbi tjetër Filip Kostiç dhe kroati Ante Rebiç. Ky i fundit u mor nga Frankfurti për vetëm 2 milionë euro, ndërsa tani vlera e kartonit është ngjitur në 40 milionë euro.

Thuhet se Niko Kovaç e kërkon patriotin e tij tek Bajerni, diçka që mund të ndodhë herët a vonë. Kostiç, ndërkaq, vlerësohet lart nga trajneri Adi Hyter, dhe në Maj nënshkroi një kontratë 4-vjeçare me klubin, në mënyrë që të mos largohej.

Ai shënoi 6 gola dhe shërbeu 10 asistë në Bundesligë këtë sezon. Nëse të gjithë këta transferime ndodhin (ashtu si ai i Joviçit), atëherë Ajntrahti merr 127 milionë euro në total, ndërsa për të tre lojtarët shpenzoi vetëm 15 milionë. Këtu, meritë të veçantë padyshim që ka edhe Fali Ramadani./ABC News Albania 24/7


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Të lidhura

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono