Adonis Filipi: Lakmia për para në qendër të shfaqjes “Volpone”

18:04 | 07/11/2018

Komedia klasike “Volpone”  e cila në qender ka lakminë dhe vesin, vjen pas teatrit “Skampa” në Elbasan  në skenën e Teatrit Eksperimental “Kujtim Spahivogli”. Regjisori i pjesës  Adonis Filipi thotë se kjo shfaqje ka mesazhe mjaft aktuale.

Volpone vepra e shkruar nga Ben Johnson, bashkëkohës i Shekspirit, vjen në Tiranë me regji të Adonis Filipit dhe me pjesëmarrjen e aktorëve si Helidon Fino, Ligoraq Rizo, Ilirda Bejleri, Xhuliano Brisko. Për regjisorin Adionis Filipi vepra është përshtatur artistikisht për të ardhur sa më afër kohës sonë, loja e aktorëve dhe depersonalizimi i personazheve krijon një tablo, e cila manifeston vlerat më të larta të teatrit.

Pas suksesit me premierën në Elbasan, vepra do të shfaqet për publikun kryeqytetas në datat 8 dhe 9 nëntor në skenën e Teatrit Eksperimental “Kujtim Spahivogli”.

Regjisori shprehet se vepra trajton problematikën e lakmisë për para, një temë shumë e ndjeshme për shoqërinë e sotme njerëzore.

“Volpone” premierën e ka pasur në Teatrin Skampa. Është një perfomancë që është mirëpritur edhe ka marrë vlerësime të veçanta. Problematika që trajton është shumë e ndjeshme për kohën, siç janë ato të makutërisë dhe lakmisë për para, të cilat shoqërojnë shoqërinë njerëzore. /abcnews.al





Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono