Abuzimi me adoleshenten, reagon ministri i Brendshëm

19:49 | 11/02/2019

Ministri i Brendshëm, Sandër Lleshaj, reagoi në rrjetet sociale lidhur me abuzimin e një 15-vjeçareje nga një efektiv i policisë në Shkodër.

“Policët nuk janë të Lleshajt, por të Shqipërisë. Lleshaj identifikohet pa dyshim me policët që sot arrestuan një pervers, me policët që sakrifikojnë natë e ditë duke shërbyer.

Një pervers mund të shërbejë si flamur për politikanë perversë, por nuk mund të njollosë askënd përveç vetes së tij dhe atyre që i gëzohen ekzistencës së tij.Mbështetje për Policinë e Shtetit Shqiptar”, shkruan në Twitter Lleshaj.

Një punonjës i policisë në Shkodër u arrestua për ngacmim seksual të një vajze 15-vjeçare këtë të hënë. Denoncimi u bë në media përmes një videoje. Ka qenë nëna e vajzës, ajo që kërkoi ndihmën e mediave dhe denoncoi shefin e policisë së zonës Grumierë në Malësinë e Madhe, Berhan Bajrakurti.

Sipas të njëjti denoncim, punonjësi i policisë e ka marrë vajzën në makinë dhe e ka telefonuar madje ka kryer akte të turpshme në komunikimet virtuale. Ka qenë vetë vajza ajo që ka filmuar shefin e policisë, në momentet kur ai e ka ngacmuar dhe më pas i ka treguar nënës së saj. Të dyja bashkë i janë drejtuar Komisariatit të Policisë, ku dhe kanë treguar gjithçka ka ndodhur.


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono