Abuzimet në “Tiranë-Elbasan”, lihet në qeli ish-zyrtari i ARRSH

13:59 | 29/08/2018

Gjykata e Apelit për Krimet e Rënda refuzoi kërkesën për lirim nga qelia të Albens Alites, ish-zyrtarit të ARRSH-së. Alite akuzohet për abuzime me tenderat gjatë ndërtimit të segmentit rrugor “Tiranë-Elbasan”, dosje në të cilën po hetohen edhe ish-drejtuesi i ARRSH-së, Dashamir Xhika dhe ish-zyrtari, Aksel Qurduka.

Në seancën e së mërkurës një Kolegj Penal nuk pranoi kërkesën e paraqitur nga avokati i Alites, për zbutje të masës për shkak të kalimit të afatit 6-mujor. Në të njëjtën seancë, Alite kërkoi shfuqizimiun e vendimit të Shkallës së Parë për zgjatje të hetimeve me tre muaj të tjerë.

Për këtë kërkesë gjykata do të shprehet në një seancë tjetër. Prokuroria për Krimet e Rënda prentendon se ish-zyrtarët e ARRSH kanë konsumuar veprën penale të “korrupsionit” dhe “shpërdorimit të detyrës” gjatë procedurave tenderuese të rrugës “Tiranë-Elbasan”.

Ata u kallëzuan nga KLSH e më pas nga Ministria e Infrastrukturës, pas një auditi që konstatoi një dëm prej gati 54 milionë dollar në buxhetin e shtetit./abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono