Abuzimet me pronat/ Rikonfirmohen masat e sigurisë për zyrtarët në Spille

22:22 | 23/02/2018

Gjykata e Kavajës ka dhënë masat e sigurimit personal për personat që kanë abuzuar me ndarjen e tokave në Spille, përfshirë këtu dhe kalimin e pronësisë nga shtetërore në private e Poligonit të Qitjes së Komandës së Forcave Ajrore.
Në një seancë maratonë, Gjykata e Kavajës rikonfirmoi masën e arrestit me burg në mungesë për biznesmenin, Idlir Karkini. Edhe për Asim Arkaxhiun, ish-regjistruesin Kavajë, Aldo Kila, jurist pranë ZVRPP Kavajë, Shpendi Demën, Arben Dajan dhe Artur Toskun u dha arrest me burg. Detyrim paraqitje u vendos për Beqir Nuredinin, kryetarin e Bashkisë Rrogozhinë, Arben Kajen dhe Julian Zhelegun.
Të gjithë akuzohen për shpërdorim detyre, falsifikim të dokumentave dhe përvetësim të pronave në mënyrë të paligjshme.
Në bashkëpunim me njëri-tjetrin këta persona dyshohet se kanë falsifikuar dhe tjetërsuar rreth 110 mijë metra katrorë tokë shtetërore ranishte në zonën bregdetare të Spilles në Kavajë./abcnews.al




Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono