A mund të kemi frikë nga lumturia?

09:07 | 18/09/2018

A mund të kemi frikë nga lumturia? Përgjigja është po. Frika nga lumturia nuk është në manualet kryesore të klasifikimit të shqetësimeve mendore, por mund të përcaktohet si një formë paraprake e ankthit që ndalon arritjen e qetësisë.

Në rastet më të këqija, njerëzit ia mbathin para diçkaje që mund t’i bëjë të lumtur. Pra me fjalë të tjera quhet një autosabotazh ndaj vetes.

Këta persona jetojnë me ndjesinë se nëse kalojnë momente lumturie, diçka e keqe mund të ndodhë nga momenti në moment. Mendojnë se nuk jetojnë për të qenë të lumtur dhe e shmangin këtë kusht.

Por si mund ta njihni këtë sindromë të njohur me emrin “Cherofobia”?

Ajo mund t’i ketë rrënjët e thella që vijnë nga periudha fëminore. Personi mund të ketë vuajtur nga ndëshkimet, apo poshtërimet që e kanë shkatërruar një moment të veçantë lumturie.

Truri e ka regjistruar këtë situatë aq sa mund të shpërthejë në frikë irracionale që rishfaqet. Një person i tillë mendon se nuk është mirë t’i tregosh lumturinë të tjerëve dhe tenton të fshehë gjërat e bukura që mund të ndodhin.

Shumë njerëz nuk duan të gjejnë një kurë për këtë shqetësim, pasi e shohin si një mbrojtje nga bota e jashtme. Por kush dëshiron të përballet me të mund ta bëj me ndihmën e një psikoterapie që vepron në origjinën e lidhjes lumturi-ndëshkim.

Klan Plus


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono