9-vjeçari sfidon hapur Donald Trump për kauzën e rëndësishme

08:39 | 04/12/201908:390

Presidenti Donald Trump është një adhurues i ushqimit të shpejtë dhe mishit të përpunuar dhe me shumë mundësi që është një nga njerëzit e fundit në planet që do të provonte në dietë vegane që eliminon produktet shtazore si mishi. Por, një aktivist 9-vjeçar i njohur si Evan Vegan shpreson të bëjë pikërisht këtë gjë: të sfidojë hapur Donald Trump për 30 ditë, si pjesë e fushatës me sloganin: Bëjeni Amerikën të shëndetshme përsëri”!

Nëse Trump pranon dhe plotëson sfidën, një organizatë jofitimprurëse e quajtur “Million Dollar Vegan” do të dhurojë një milion dollarë për një bamirësi që do e zgjedh vetë Trump. Këto para, sipas një zëdhënësi vijnë nga donacione private, individë dhe grupe të tjera aktivistësh.
Deri më tani, Trump nuk i është përgjigjur sfidës, por ka kohë deri më 31 dhjetor për ta bërë këtë, sipas organizatës.

Historia e Evan, djaloshit që u bë vegan në moshën 5 vjeç

I lindur në Melbourne në Florida, Evani nuk ka qenë gjithmonë vegan! Ai i tha “Insider” se vendosi që të bënte ndryshimin rrënjësore në mënyrën e ushqyerjes pikërisht në një mëngjes të zakonshëm rrugës për në kopësht, kur shoqërohej nga nëna e tij, tashmë një vegjetariane. Megjithëse nëna e Evan e paralajmëroi atë se të qenit vegan do të nënkuptojë kufizimin e ushqimeve që fëmijët zakonisht i duan, si pica dhe hot dog, vendosmërinë e tij ai e mbajti deri në fund.
“Unë i thashë mamit:” Nëse kafshët lëndohen dhe unë nuk kam nevojë për atë ushqim, unë zgjedh të mos e ha”, tha ai.
Që atëherë, Evani po inkurajon të tjerët të bëjnë të njëjtën gjë, edhe përmes videos në kanalin e tij në YouTube. Ai gjithashtu udhëton në vende të ndryshme  me familjen e tij për të promovuar një dietë vegane.

Kohët e fundit Evan njoftoi në reklama në New York Times sfidën e tij për presidentin, si dhe përmes një fushate të fuqishme në internet.

Ai shpreson që mesazhi i tij për Trump të stimulojë mendime për përfitimet e të qenit vegan, dhe të inkurajojë më shumë njerëz që ta provojnë atë vetë.

“Unë mendoj se veganizmi është një dhuratë dhe është e shkëlqyeshme t’ia jepni atë njerëzve, në mënyrë që ata të mund të jenë më të shëndetshëm dhe të ndjehen më mirë, të mos dëmtojnë kafshët dhe të mos shkatërrojnë planetin”, u shpreh vogëlushi që po çudit botën me sfidën e tij./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono