42 milionë lekë për të “zbutur” Vjosën

17:35 | 11/10/2018

Për të ulur vërshimet nga lumi Vjosa gjatë stinës së dimrit po ndërtohen panelet në shtratin e tij. Prefekti i Vlorës, Flamur Mamaj, thotë se ky investim nuk do të shpëtojnë zonën plotësisht nga përmbytja, por do të minimizojë dëmet.

Banorët e Novoselës shpresojnë që këtë dimër të mos përmbyten nga Vjosa. 42 milionë lekë të reja janë hedhur për ndërtimin e pesë paneleve mbrojtëse për të shmangur gërryerjen e lumit. Punimet në krahun e majtë të shtratit të Vjosës kanë nisur prej disa muajsh. Finalizimi i tyre pritet në fund të Tetorit, para se të nisin reshjet.

“Unë mund të them me bindje të plotë, këto përmirësojnë gjendjen, por jo se parandalojnë përmbuytjet. Kjo ka të bëjë me investime të tjera që të bëhen në gjatësinë e Vjosës”.

Në dimër prurjet e Vjosës tek ura e Mifolit janë shkatërruese. Toka të tëra mbulohen me ujë përgjatë zonës së Fierit dhe të Vlorës. Në të kaluarën shumë shtëpi janë përmbytur apo janë dëmtuar. Por ky investim pritet ta zbusë situatën. Megjithatë ende nuk ka një zgjidhje për territore të tjera që preken nga vërshimet e lumenjve./abcnews.al





Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono