39 vjeçari i vendos flakën vetes në makinë

08:21 | 20/10/2018

Një person është gjetur i djegur dhe i pajetë brenda mjetit të tij në qytetin e Korçës. Viktima para se ti jepte fund jetës kishte blerë benzinën në një karburant. Familjarët e 39 vjeçarit thonë se i afërmi i tyre nuk kishte probleme ekonomike dhe as nuk vuante nga depresioni.

Një 39 vjeçar i ka dhënë fund jetës, duke u djegur me benzinë brenda mjetit të tij, mesnatën e së premtes. Gjergji Babo, sipas hetimeve të policisë, kishte marrë një bidon me benzinë në një karburant të qytetit dhe më pas i ka vënë flakën vetes, teksa mjeti ishte në ecje e sipër, në afërsi të ish kampit të punëtorëve. Viktima ka gjetur vdekjen nga plagët, ndërsa flakët e mjetit ku i dha fund jetës, kanë dëmtuar edhe tre makina të tjera të parkuara.

Trupi i Babos u dërgua në morgun e spitalit, ku po i nënshtrohet ekspertizës mjeko-ligjore, ndërsa paraprakisht policia thotë se viktima mund ta ketë ndërmarre aktin ekstrem në kushtet e gjendjes së rënduar psikologjike. Familjarët jashtë kamerave deklarojnë se nuk e dinë arsyen pse i afërmi i tyre është vetëdjegur. Sipas tyre ai nuk kishte probleme ekonomike dhe as nuk kishte shfaqur shenja depresioni. 39 vjeçari jetonte me gjyshen, pasi familja kishte emigruar prej vitesh në SHBA./abcnews.al




Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono