21 vjetori i vrasjes së Azem Hajdarit, politikën e bashkojnë homazhet

10:21 | 12/09/2019

Në 21 vjetorin e vrasjes së Azem Hajdarit mazhoranca dhe opozita kanë nderuar liderin e Dhjetorit. Ndonëse në ceremoni të ndara, politikanët kanë përkujtuar njeriun që njihet si simbol i vendosjes së pluralizmit politik në Shqipëri.

21 vjet më pas është dikush tjetër që i vendos i pari lulet në memorialin e Azem Hajdarit. Presidenti Ilir Meta ka ndryshuar traditën e ceremonisë përkujtimore duke lënë pas familjarët e demokratët për tu përkulur i pari në vendin ku u vra lideri i lëvizjes studentore.

“Sepse 21 vjetori është dita më e rëndësishme në historinë e Shqipërisë që ndan dy epoka dhe e rivendosi vendin tonë në rrugën e duhur të demokracisë, lirisë dhe të drejtave të njeriut, pluralizmit politik dhe zgjedhjeve të lira e të ndershme që janë kolona vertebrore e sistemit demokratik e që duhen mbrojtur nga të gjithë dhe me çdo çmim”, tha Meta.

Ndërsa e para që përkulet mbi varrin e heroit të demokracisë është e bija Rudina Hajdari. Nderime bënë edhe kolegët e saj të politikës. E ashtu siç tradita ka shoqëruar këto vite ceremoninë e përkujtimit, demokratët, të rinj e të vjetër bëhen bashkë përpara memorialit të Azem Hajdarit.

Kjo ditë ka shërbyer edhe për të lënë mënjanë ndasitë në ide duke zgjedhur shtrëngimet e duarve përpara njeriut që u shndërrua në simbol të shembjes së komunizmit dhe vendosjes së pluralizmit politik, Azem Hajdarit./ABC News Albania 24/7


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono