200 mln euro për Notre Dame

10:52 | 16/04/2019

Njeriu më i pasur në Europë ka premtuar se do të dhurojë miliona euro që të ndihmojë në rindërtimin e katedrales së Notre Dame, e cila u shkatërrua mbrëmjen e 15 Prillit nga flakët.

Bëhet fjalë për Bernard Arnault. Ai ka deklaruar se sëbashku me familjen do të dhurojnë 200 milionë euro për rindërtimin e katedrales.

“Familja Arnault dhe grupi LMVH dëshirojnë të tregojnë solidaritetin e tyre në këtë kohë tragjedie kombëtare dhe ne po i bashkohemi ndihmës për rindërtimin e kësaj katedraleje të jashtëzakonshme, që është një simbol i Francës, i trashëgimisë së saj dhe i bashkimit”, theksoi ai në një deklaratë.

Sipas Forbes, Arnault ëhtë personi më i pasur në Europë. Ai është drejtori ekzekutiv i LMVH, kompani e cila ka në pronësi Dior, Marc Jacobs, Bulgari, Givenchy Parfums,  Moët & Chandon dhe Mercier.

Bernard Arnault

Por ai nuk është i vetmi milioner që ka ofruar ndihmë financiare për këtë tragjedi. Edhe François-Henri Pinault ka ofruar 100 milionë  euro për katedralen. Ai është drejtori ekzekutiv i grupit Kering që ka në pronësi Guçi dhe Saint Laurent.

Zjarrfikësit arritën t’i shuanin flakët në Katedralen e Notre Dame në Paris pas gati 9 orësh. Zjarri shkaktoi dëme të mëdha ndërtesës së shekullit të 12-të, duke shkatërruar çatinë kryesore dhe kullën me majë të saj. Megjithatë dy kullat kryesore, në fasadën qendrore të katedrales mbetën të paprekura.

Ndërtesa është e njohur për figurat mitologjike prej guri, dritaret prej qelqi të ngjyrosura dhe trarët karakteristikë që mbajnë muret. Struktura prej druri në pjesën e kupolës ka favorizuar flakët e zjarrit dhe e ka bërë edhe më të vështirë punën e zjarrfikësve për fikjen e zjarrit. Dy policë dhe një zjarrfikës kanë mbetur të lënduar gjatë operacionit për shuarjen e flakëve./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono